U Lidzie z mahiły ksiandza Adama Falkoŭskaha źnik hierb paŭstańnia Kalinoŭskaha
Da kamienia na mahile ksiandza Adama Falkoŭskaha ŭ Lidzie dajšła cenzura. Jak piša kanał «Spadčyna», chtości zacior «Pahoniu», polskaha biełaha arła i anioła.
03.01.2024 / 08:46
Kamień na mahile ksiandza Adama Falkoŭskaha. Fota: spadczyna / Telegram
Ksiondz Adam Falkoŭski — udzielnik paŭstańnia 1863-1864 hadoŭ. 24 červienia 1863 hoda carskija ŭłady rasstralali jaho ŭ vakolicach Lidy za zaklik da viernikaŭ dałučycca da baraćby.
Miesca jaho pachavańnia ludzi abłažyli kamianiami, jakija šmat razoŭ raskidvała palicyja. U 1919 hodzie tut byŭ pastaŭleny kryž. Jaho źniščyli ŭ 1940 hodzie kamunisty.
Kryžy, jakija ŭ 1990-ja staviła hramadskaść horada na mahile ŭ Lidskim parku kultury i adpačynku, ułady ŭparta znosili. Urešcie ŭ 2010 hodzie ŭłady zhadzilisia zamianić kryž na kamień. Ale praz 13 hadoŭ i tut adšukałasia «kramoła».
Čytajcie taksama:
Viadomyja biełarusy ahučyli «Mužyckuju praŭdu» Kalinoŭskaha
Što stała z rasijskimi pomnikami, jakija impieryja staviła ŭ nacyjanalnych pravincyjach