Kot vyratavaŭ haspadara na pažary ŭ Słonimie
2 studzienia ŭ rajcentry ledź nie zdaryłasia trahiedyja. Tam u adnoj ź piacipaviarchovak pa vulicy Franciška Skaryny hareła kvatera.
03.01.2024 / 11:28
Ilustracyjnaje fota
Na miesca pryjechali pažarnyja: ačah uzharańnia znachodziŭsia na čaćviortym paviersie, paviedamlaje MNS.
Ratavalniki spačatku evakujavali žycharoŭ z vyšejraźmieščanych kvater, a potym prystupili da tušeńnia pažaru.
Jak raspavioŭ 30-hadovy haspadar, jon spaŭ, pačuŭšy žałasnaje miaŭkańnie kata, mužčyna pračnuŭsia i pabačyŭ, što haryć kuchnia. Jon pasprabavaŭ samastojna patušyć. Ale ŭbačyŭšy, što sproby nie prynieśli pośpiechu, vyjšaŭ na bałkon i čakaŭ prybyćcia MNS.
Fota: 112.by
Rabotniki MNS apieratyŭna likvidavali pažar. Ahniom paškodžana mebla, majomaść u kuchni, zakuranyja ścieny, stol.
Haspadar kvatery atrymaŭ termičnyja apioki i ŭ stanie siaredniaj stupieni ciažkaści byŭ špitalizavany.
Pryčyna pažaru vyśviatlajecca. Imaviernaja pryčyna — nieaściarožnaje abychodžańnie z ahniom pry kureńni.