Siońnia litoŭski sud kančatkova vyrašyć, ci davać Karač prytułak
U sieradu Viarchoŭny administracyjny sud Litvy razhledzić apielacyjnuju skarhu biełaruskaj aktyvistki Volhi Karač na rašeńnie suda pakinuć u sile rašeńnie Departamienta mihracyi ab niepradastaŭleńni joj prytułku ŭ Litvie.
03.01.2024 / 11:34
Volha Karač. Fota: OSC
Sprava budzie razhledžana ŭ piśmovym paradku, jaje budzie razhladać kalehija z troch sudździaŭ na zakrytym sudovym pasiadžeńni, piša LRT sa spasyłkaju na BNS.
Rašeńnie hetaha suda budzie kančatkovym i abskardžańniu nie padlahaje.
U žniŭni minułaha hoda Departamient mihracyi pryniaŭ pastanovu nie davać prytułku biełaruskaj aktyvistcy, bo Departamient dziaržaŭnaj biaśpieki ŭstanaviŭ, što jaje pražyvańnie ŭ krainie ŭjaŭlaje pahrozu nacyjanalnaj biaśpiecy praź jaje suviazi z rasijskaj vyviedkaj.
Aktyvistka abskardziła rašeńnie viedamstva ŭ sudzie, jaki ŭ listapadzie pakinuŭ u sile rašeńnie Departamienta mihracyi.
Rašeńniem Departamienta mihracyi kiraŭnicy arhanizacyi «Naš dom» pradastaŭleny časovy vid na žycharstva ŭ Litvie na humanitarnych padstavach, jaki moža być pradoŭžany.
Da kančatkovaha razhladu spravy aktyvistki jana maje status prośbitki prytułku, što taksama dazvalaje joj zastavacca ŭ Litvie.
Karač atrymlivała vid na žycharstva ŭ Litvie z 2014 hoda, a letaś padała zajavu ab pradastaŭleńni prytułku. U 2021 hodzie biełaruski KDB uklučyŭ Karač u śpis terarystaŭ.
Čytajcie taksama:
Volzie Karač admovili ŭ kampiensacyi maralnaj škody za niasvoječasovuju admovu ŭ prytułku
Paźniak zastupiŭsia za Karač i vykłaŭ videa «pieratrusu ŭ Kalehavaj». Taja zapratestavała