Piaskoŭ nazvaŭ fejkam infarmacyju pra «siensacyjnuju zajavu» Pucina
Infarmacyja pra toje, što Uładzimir Pucin rychtujecca vystupić z «siensacyjnaj zajavaj» pa suśvietnaj biaśpiecy, źjaŭlajecca fejkam, paviedamiŭ pres-sakratar prezidenta Rasii.
03.01.2024 / 12:01
Fota: Alexei Danichev, Sputnik, Kremlin Pool Photo via AP
«Nie. Heta fejk», — skazaŭ jon. Sa słoŭ Piaskova, paviedamleńni ab zajavie Pucina stali źjaŭlacca ŭ telehram-kanałach.
Napiaredadni, 2 studzienia, telehram-kanał «Palitdžojstyk» z aŭdytoryjaj u 213 tys.čałaviek, jaki viadzie prafiesar Vyšejšaj škoły ekanomiki Marat Bašyraŭ, napisaŭ, što ŭ nastupnyja dva dni Pucin moža zrabić «siensacyjnuju zajavu pa pytańniach suśvietnaj biaśpieki i, u pryvatnaści, pa ŭkrainskim kiejsu».
U dopisie adznačałasia, što zajava budzie «nie ultymatumam, ale žorstkaj pa svaich paramietrach».