Jevanhielskaha pastara z Chojnickaha rajona pasadzili na 10 sutak
Jak stała viadoma z pastanovy pa spravie ab administracyjnym pravaparušeńni Chojnickaha rajona Homielskaj vobłaści, u pačatku śniežnia minułaha hoda pastar carkvy chryścijan viery jevanhielskaj u vioscy Niebytaŭ Chojnickaha rajona Aleh Łojka byŭ aryštavany, piša «Chryścijanskaja vizija».
03.01.2024 / 19:54
Pastara sudzili pavodle č. 2 art. 19.11 KaAP (raspaŭsiud ekstremisckich materyjałaŭ) za padpiski ŭ fejsbuku na staronki ŚMI, uklučanyja ŭ śpis «ekstremisckich materyjałaŭ».
U vyniku Aleh Łojka byŭ aryštavany na 10 sutak, a jahony płanšet byŭ kanfiskavany.
Aleh Łojka šmat hadoŭ zajmajecca reabilitacyjaj ludziej z narkatyčnaj zaležnaściu ŭ ramkach misii «Viartańnie». Dziakujučy jaho dziejnaści sotni čałaviek viarnulisia da narmalnaha žyćcia. Pra jaho raniej z zachapleńniem pisali dziaržSMI, a ciapier pastar trapiŭ pad katok represij režymu.
Čytajcie taksama:
HUBAZiK zatrymaŭ administratarku zakrytaha telehram-čata «DS Hrušaŭski kvartał»
Mikałaju Aŭtuchoviču za minuły hod nie pieradali nivodnaj banderoli
Što viadoma pra homielskuju ajcišnicu Volhu Błaževič, zatrymanuju za danaty na $80