U Baranavičach susied vynies piensijanierku z ahniu
Učora, 3 studzienia, u 22:30 susiedzi paviedamili MNS ab pažary ŭ domie pa 5-m zavułku Pryharadnym u Baranavičach. Unutry adnapaviarchovaha doma było mocnaje zadymleńnie. Jašče da prybyćcia MNS haspadyniu doma, 88-hadovuju piensijanierku, vyratavaŭ susied Alaksandr Vansovič, paviedamlaje BIEŁTA.
04.01.2024 / 12:32
Mužčyna byŭ doma, kali žonka prybiehła sa dvara i raskazała, što z susiedniaha doma idzie dym. Alaksandr Vansovič patelefanavaŭ u słužbu MNS i kinuŭsia na dapamohu, viedajučy, što ŭ domie znachodzicca piensijanierka.
Jon znajšoŭ u pakoi žančynu i vynies jaje. Vyratavanaja haspadynia doma paśla ahladu bryhadaj chutkaj miedycynskaj dapamohi ad špitalizacyi admoviłasia. Ahoń paškodziŭ dach, pierakryćcie i majomaść u domie. Pryčyna pažaru vyśviatlajecca.
Čytajcie taksama:
Kot vyratavaŭ haspadara na pažary ŭ Słonimie