Pad palityčnyja represii trapiŭ žłobinski čynoŭnik
Telehram-kanał Free Zhlobin 3 studzienia paviedamiŭ pra zatrymańnie načalnika adździeła sportu i turyzmu Žłobinskaha rajvykankama Jaŭhiena Achremienki. Zatrymali čynoŭnika, jak śćviardžajecca, na minułym tydni, z 26 pa 29 śniežnia. Pryčynaj stali padpiski ŭ sacsietkach.
04.01.2024 / 16:35
Były načalnik adździeła sportu i turyzmu Žłobinskaha rajvykankama Jaŭhien Achremienka (krynica «Novy dzień»)
«Fłahštok» patelefanavaŭ pa słužbovym numary načalnika adździeła sportu i turyzmu Žłobinskaha rajvykankama.
«Jaho niama i nie budzie ŭžo. Jon nie pracuje ŭžo tut. Z pačatku novaha hoda nie pracuje», — byŭ taki adkaz.
Pavodle infarmacyi Free Zhlobin, Achremienku prysudzili 15 sutak administracyjnaha aryštu.
Na sajcie «Žłobinščyna spartyŭnaja i turystyčnaja» Achremienka jašče prysutničaje ŭ jakaści kiraŭnika
U 2019 hodzie Achremienka zajmaŭ pasadu zahadčyka siektara sportu i turyzmu adździeła adukacyi, sportu i turyzmu Žłobinskaha rajvykankama, jak minimum u 2021 hodzie staŭ načalnikam profilnaha adździeła.
Pavodle infarmacyi sajta chinovniki.info, u 2019 hodzie Achremienka byŭ namieśnikam staršyni ŭčastkovaj vybarčaj kamisii ŭčastka dla hałasavańnia № 4 Žłobinskaj vybarčaj akruhi № 40. Jon vyłučaŭsia ad praŭładnaj Homielskaj abłasnoj arhanizacyi Sacyjał-demakratyčnaja partyja Narodnaj Zhody.
Čytajcie taksama:
Siłaviki zatrymali jašče adnaho minčuka za ŭdzieł u pratestach
Siłaviki zatrymali hramadzianku Ukrainy za kamientary i padtrymku svajoj krainy ŭ vajnie
HUBAZiK zatrymaŭ administratarku zakrytaha telehram-čata «DS Hrušaŭski kvartał»