Jak pravilna kazać «nie»
My schilnyja pierabolšvać niehatyŭ ad našaha «nie», kali my kamuści admaŭlajem. Ale voś praviły, jak admaŭlać vietliva.
07.01.2024 / 23:45
Fota: vecteezy
U piatnicu ŭ vašaha znajomaha viečaryna, a vy nie chočacie iści? Nie chvalujciesia, zaŭsiody ž možna prosta skazać, što vy lepš pahladzicie paru sieryj novaha sieryjała, a sustrenieciesia, kali budziecie «ŭ resursie».
Baiciesia pakryŭdzić vašaha surazmoŭcu? Mahčyma, vy pierabolšvajecie. Jak pakazała novaje daśledavańnie, ludzi schilnyja pierabolšvać, nakolki niehatyŭna inšyja adreahujuć na naša «nie». Na dumku navukoŭcaŭ, ludzi značna bolš schilnyja pavažać vašu ščyraść i nie kryŭdzicca — tamu možna prosta kazać «nie» i nie turbavacca vietlivymi apraŭdańniami.
Adnak kali vaš siabar nie nastolki blizki, kab zrazumieć sapraŭdnuju pryčynu, čamu vy nie chočacie iści, ale pry hetym vy nie chočacie jaho pakryŭdzić, vydańnie The Telegraph prapanuje niekatoryja praviły «sacyjalnaj admovy».
Jak skazać «nie» viečarynie paśla ciažkaha tydnia
«Mnie vielmi škada, ale ja nie zmahu ŭ hety viečar», — voś što sapraŭdy choča pačuć vaš surazmoŭca i ničoha bolš. Kali čałaviek uvachodzić u vaša koła davieru, vy možacie pajści dalej i skazać: «Och, žudasny tydzień. Ci mahu ja da piatnicy pahladzieć, ci zastanusia ja žyvy?» Urešcie rešt, ci nie zaklučajecca siabroŭstva taksama i ŭ tym, kab być hatovym sustrecca, navat kali dla vas heta nie idealny čas?
Admovy, jakija nie možna sabie dazvolić
Admova być chrosnym baćkam.
Admova ad zaprašeńnia na viasielle členaŭ siamji, chrośnikaŭ ci vašaha siabra.
Admova vystupić z pramovaj na vialikim dni naradžeńnia vašaha siabra.
Admova ad viečaryny, jakuju pačali arhanizoŭvać za niekalki miesiacaŭ da jaje pačatku, kali tolki ŭ vas niama surjoznaha i kankretnaha apraŭdańnia.
Admova ad udziełu ŭ pachavańni.
Admova ad emacyjnaj dapamohi (naprykład, «kali łaska, prychodźcie na viačeru, u mianie nabližajucca ekzamieny, i ja ich bajusia»).
Lepšyja sposaby skazać «nie»
«Nie, ale ja vielmi chaču z taboj pabačycca. Moža, u nastupnuju piatnicu?»
«Nie, ale kali razhrabusia z «zavałami», ja budu pobač.»
«Nie, ale, mažliva, ja mahu zaprasić ciabie na abied na nastupny dzień?»
«Nie, ale my možam zaprasić vas da nas, kali tolki my skončym hety piakielny miesiac».
Čytajcie taksama:
Čamu «pazityŭnaje vychavańnie» pavinna ŭklučać u siabie taksama i pakarańnie