Затрымалі завадчаніна з Гродна
Яго вінавацяць у рэпостах матэрыялаў суполак, якія лукашэнкаўцы прызналі «экстрэмісцкімі».
04.01.2024 / 17:28
Максім Коршак. Фота з ягонай старонкі «Укантакце» (архіўная копія)
Затрыманага клічуць Максім Коршак, яму 25 гадоў. Пасля школы скончыў Гродзенскі дзяржаўны тэхналагічны каледж. Раней Максім працаваў на «Заводзе Хімвалакно», які належыць да «Гродна Азота». Апошняе вядомае месца працы хлопца — ААТ «Гранітэкс», якое вырабляе пражу, ніткі і льновалакно.
Хлопца затрымалі за «распаўсюд экстрэмісцкіх матэрыялаў».
Таксама ў відэа сілавікоў яго змушаюць сказаць, што ён нібы зарэгістраваўся ў чат-боце плана «Перамога». Але ніякіх доказаў таго, што ён рэальна рэгістраваўся там, не прыводзіцца. У відэа паказаны скрыншот з тэлеграма з назвай бота, але гэта нічога не значыць.