Выйшаў на волю гомельскі прадпрымальнік Яўген Галіч
Ён цалкам адбыў увесь тэрмін.
05.01.2024 / 15:35
Яўгена Галіча затрымалі 3 сакавіка 2022 года і асудзілі на 2 гады зняволення:
паводле ч. 1 арт. 342 КК (арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх),
ч. 1 арт. 179 КК (незаконны збор альбо распаўсюджванне інфармацыі аб прыватным жыцці, выключаны 26 мая 2021 г.)
і арт. 188 КК (паклёп).
Пра справу Галіча вядома, што ён, нібыта, «распаўсюджваў у інтэрнэце заведама непраўдзівыя звесткі і паклёп на начальніка ДАІ, кіраўнікоў гомельскага АМАПу і супрацоўніцу Гомельскага тэхнічнага ўніверсітэта імя П. В. Сухога».
Агулам па гэтай справе праходзіла шэсць пацярпелых. А так званы «распаўсюд» палягаў на тым, што мужчына пераслаў у прыватным паведамленні два артыкулы, напісаных кімсьці, а ад сябе дапісаў: «Можам паўтарыць». Гэты допіс палічылі заклікам да масавых акцый.
Зняволенне Яўген Галіч адбываў у магілёўскай ПК № 15, піша «Гомельская вясна».
Чытайце таксама:
Выйшаў на волю палітвязень Міхаіл Кухарчук