Cichanoŭskaja pavinšavała pravasłaŭnych biełarusaŭ z Rastvom
Śviatłana Cichanoŭskaja pavinšavała biełarusaŭ, jakija śviatkujuć Božaje Naradžeńnie 7 studzienia, sa śviatam.
06.01.2024 / 22:48
«Siońnia dzień, kali my znachodzimsia ŭ čakańni čahości śvietłaha i dziŭnaha. U čakańni cudu…
Ale jakoha «cudu» čakajuć biełarusy siońnia? Ubačyć i abniać blizkich, jakich niama pobač. Viarnucca dadomu i adčuvać siabie ŭ biaśpiecy. Žyć u svabodnaj kvitniejučaj krainie, a nie šukać bližejšaje miesca dla emihracyi. Atrymlivać za pracu hodnaje ŭznaharodžańnie i ni ŭ čym nie mieć patreby.
Pahadziciesia, heta nie niešta fantastyčnaje abo čaroŭnaje. Heta realnaść, jakuju zasłuhoŭvaje kožny z nas. I tolki nam z vami pa siłach jaje pabudavać.
Darahija, siońnia ŭ śvietłaje śviata Božaha Naradžeńnia ja chaču pažadać vam siłaŭ, śmiełaści i viery ŭ siabie, kab uvasobić u žyćcio toje, pra što marycie bolš za ŭsio.
Z Rastvom vas!», — skazała ŭ svaim videazvarocie Cichanoŭskaja.
Čytajcie taksama:
Pravasłaŭnyja rychtujucca da Rastva, a kataliki adznačajuć Try Karali
«Jak sapraŭdny cud na Kalady». Siamja atrymała paštoŭku ad Paliny Šarendy-Panasiuk
Upieršyniu častka biełaruskich pravasłaŭnych budzie adznačać Kalady 25 śniežnia pa novym styli