Ашуканцы знайшлі яшчэ адзін спосаб зарабіць на «Слове пацана»
Інтэрнэт-злачынцы карыстаюцца момантам і знаходзяць спосабы зарабіць на нашумелым серыяле «Слова пацана». Цяпер яны абвяшчаюць кастынг на другі сезон. Але не спяшаецеся радавацца, калі вашу кандыдатуру для здымак ужо «адобрылі» і просяць падзяліцца асабістай інфармацыяй.
07.01.2024 / 10:25
Абʼявы аб новым кастынгу на чарговы сезон захліснулі сацыяльныя сеткі. Акцёраў масоўкі выбіраюць не толькі ва ўсіх гарадах Расіі, але нават і ў Мінску, і ўжо нібыта пачаліся здымкі, піша АНТ.
У афіцыйнай групе праекта паведамілі, што інфармацыю распаўсюджваюць ашуканцы. І на шляху ў вялікае кіно можна лёгка страціць усё, што нажылі сумленнай працай.
Перад гэтым сталі папулярныя фальшывыя сайты, дзе за прагляд серыяла прасілі невялікія грошы, але спісвалі ўсе.
Чытайце таксама:
Акцёра са «Слова пацана» арыштавалі па справе аб забойстве 12-гадовай даўніны
Махляры прыдумалі новую форму падману. Яны нажываюцца на фанатах серыяла «Слова пацана»