Ціханоўская ў Варшаве сустрэлася з міністрам Сікорскім
Святлана Ціханоўская знаходзіцца з візітам у Польшчы. Сёння яна сустрэлася з міністрам замежных спраў Радаславам Сікорскім.
08.01.2024 / 15:30
«Міністр выказаў поўную падтрымку для дэмакратызацыі, развіцця грамадзянскай супольнасці і еўрапейскіх памкненняў беларускага народв», — паведамляецца ў акаўнце МЗС Польшчы у сацсетцы Х (былы твітар) па выніках сустрэчы з беларускай дэлегацыяй.
Падчас размовы Радаслаў Сікорскі падкрэсліў прыхільнасць Польшчы да падтрымкі грамадзянскай супольнасці ў Беларусі, высока ацаніў цяперашнюю дэмакратычную дзейнасць беларускіх апазіцыйных сіл у выгнанні і выказаў падтрымку дэмакратычным і еўрапейскім памкненням грамадства.