U baranavickaj kramie čałaviek sa strelbaj parezaŭ nažom pakupnika
8 studzienia ŭ adnu z baranavickich kramaŭ uvarvaŭsia mužčyna sa strelbaj, jaki raźbiŭ vitrynu z ałkaholem, parezaŭ adnaho z pakupnikoŭ nažom i ŭciok.
08.01.2024 / 22:23
Kala 16:25 u Baranavicki RAUS patelefanavała pradavačka praduktovaj kramy, jakaja raskazała, što nieviadomy mužčyna zabieh u handlovuju zału z pradmietam, «padobnym da strelby». Jon papiaredziŭ usich, chto znachodziŭsia ŭ pamiaškańni, što «heta rabavańnie», paśla čaho staŭ bić vitryny z ałkaholem.
Adzin z naviedvalnikaŭ kramy staŭ uhavorvać nieznajomca addać zbroju, ale napadnik dastaŭ nož i parezaŭ im pakupnika. Paciarpieły, adnak, zdoleŭ padstavić złamyśniku padnožku, u vyniku čaho toj upaŭ i vypuściŭ z ruk strelbu.
Padniaŭšysia na nohi, mužčyna ŭciok ź miesca zdareńnia, ale ciaham paŭhadziny jaho zatrymali. Złamyśnikam akazaŭsia 61-hadovy žychar Baranavickaha rajona, u jaho znajšli nož i patrony.
Čytajcie taksama:
«Dobi — volny elf». U Aŭstralii na kamieru videanazirańnia trapiła ekstravahantnaje rabavańnie
Milicyjanty znoŭ stralali ŭ čałavieka
U Rečyckim rajonie milicyjanty zastrelili niećviarozaha mužčynu sa zbrojaj