U Pieciarburhu vakalist hurta «Ŝienki» vyjšaŭ na scenu ŭ adnoj škarpetcy na hienitalii, i «purytanie» nibyta z łancuha sarvalisia
Paźniej Maksim Teśli (Majsiejeŭ) sprabavaŭ pakinuć krainu, ale jaho zatrymali ŭ aeraporcie Pułkava.
09.01.2024 / 10:06
7 studzienia na kancercie ŭ kłubie Mod u Pieciarburhu Maksim Teśli padčas vykanańnia pieśni «Biełaje na biełym» vyjšaŭ na scenu ŭ adnoj škarpetcy na hienitalijach, a zatym źniaŭ jaho, zastaŭšysia całkam hołym, piša «Mieduza».
Na muzykanta paskardziŭsia ŭ prakuraturu aktyvist Vital Baradzin, jaki ŭhledzieŭ u vystupie «prapahandu» ŁHBT.
Kiraŭnica Lihi biaśpiečnaha Internetu Kaciaryna Mizulina nazvała salista «Šienkov» pierajmalnikam repiera Vacio, jakoha dvojčy aryštavali za ŭdzieł u «amal hołaj» viečaryncy Naści Iŭlejevaj. Cikava, jak na heta adreahujuć pravaachoŭnyja orhany paŭnočnaj stalicy», — napisała jana ŭ svaim telehram-kanale.
Rolikam z vystupam Teśli ŭ aholenym vyhladzie ŭžo zacikavilisia supracoŭniki Centra pa supraćdziejańni ekstremizmu. U dziejańniach muzyki ŭžo nibyta ŭhledzieli «prykmiety administracyjnaha pravaparušeńnia».
Na videa taksama źviarnuŭ uvahu deputat Dziarždumy Vital Miłonaŭ. U hutarcy z radyjostancyjaj «Hovorit Moskva», jon zajaviŭ, što ciapier vakalistu «Ŝienkov», vierahodna, pryjdziecca «nadzieć šeruju ŭniformu i vystupać u papraŭčaj kałonii».
Deputat śćviardžaje, što zładzić pravierku kłubu Mod, u jakim prachodziŭ kancert hurta. «Adkryjem studyju dziciačych tancaŭ u kłubie Mod, chaj dzieci tam matylkoŭ źbirajuć, hierbaryi lepiać. Znajści možna prymianieńnie hetaha miesca», — dadaŭ Miłonaŭ.
Paźniej Maksim Teśli (Majsiejeŭ) sprabavaŭ pakinuć krainu, ale jaho zatrymali ŭ aeraporcie Pułkava.
U śniežni 2023 hoda sud pryznačyŭ 15 sutak administracyjnaha aryštu pa artykule ab drobnym chulihanstvie repieru Vacio (sapraŭdnaje imia — Mikałaj Vasiljeŭ), jaki pryjšoŭ na «amal hołuju» viečarynu Naści Iŭlejevaj u maskoŭskim kłubie «Mutabor» u adnoj škarpetcy na hienitalijach. Muzyku taksama aštrafavali za «prapahandu» ŁHBT.
Paśla Novaha hoda Vacio paŭtorna aryštavali na dziesiać sutak, taksama pa abvinavačvańni ŭ drobnym chulihanstvie. Pavodle źviestak ŚMI, repieru taksama ŭručyli pozvu ŭ vajenkamat. Samu «amal hołuju» viečarynu sud pryznaŭ» prapahandaj nietradycyjnych seksualnych adnosin», a jaje arhanizatara Naściu Iŭlejevu aštrafavali na 100 tysiač rubloŭ (1200 dalaraŭ).