U Drahičynie buduć sudzić dyrektara muzieja
U hetym miesiacy čakajecca sud nad Siarhiejem Hranikam, jaki zajmaje pasadu dyrektara vajenna-histaryčnaha muzieja ŭ Drahičynie, piša «Bieraściejskaja viasna».
09.01.2024 / 16:56
A ŭ listapadzie 2023-ha pryjšli ŭ internat, u jakim jon žyvie. Aficyjnaja viersija — pošuk samahonnaha aparatu dy samahonki, choć Hranik nie pje.
Padčas vobšuku ŭ mužčyny znajšli patron, jakomu kala 100 hadoŭ. Heta rascanili jak «niezakonnaje zachoŭvańnie bojeprypasaŭ» i zaviali kryminalnuju spravu pa art. 295.
Sud maje adbycca nieŭzabavie. Krynica «Bieraściejskaj viasny», znajomaja ź situacyjaj, ličyć, što Siarhieju Hraniku mahli toj patron i padkinuć. Na vybarach 2020 hoda jon byŭ u składzie rajonnaj vybarčaj kamisii ad Biełaruskaj sacyjał-demakratyčnaj partyi («Hramada»).
Čytajcie taksama:
U Homieli, mierkavana, sudziać čempijona śvietu pa muaj-taj
Minčuku, jaki zrabiŭ sełfi ź bieł-čyrvona-biełym ściaham, dali dva hady «chatniaj chimii»