Volha Karač nie płanuje zjazdžać ź Litvy
Aktyvistka budzie źviartacca ŭ Jeŭrapiejski sud, paviedamiła jana «Svabodzie».
10.01.2024 / 15:51
Volha Karač budzie abskardžvać rašeńnie litoŭskaha suda ŭ Jeŭrapiejskim sudzie ŭ pravach čałavieka, i zjazdžać ź Litvy nie płanuje, bo maje časovy vid na žycharstva, dziejny da žniŭnia 2024 hodu, jaki, jak paabiacali litoŭskija ŭłady, buduć pradaŭžać, piša «Svaboda».
«U rašeńni nie było nijakich arhumientaŭ. Usio, što było napisana — što ja mahu ŭ budučyni supracoŭničać z rasiejskaj vyviedkaj. Heta hučyć zabaŭna, mianie jašče nivodnaha razu ŭ žyćci nie sudzili za toje, što ja mahu zrabić», — skazała Volha Karač.
Siońnia Litoŭski sud kančatkova admoviŭ Volzie Karač u palityčnym prytułku.
U žniŭni minułaha hoda Departamient mihracyi pryniaŭ rašeńnie nie davać Karač prytułak, pakolki, na dumku Departamienta dziaržaŭnaj biaśpieki, jaje pražyvańnie ŭ Litvie ŭjaŭlaje pahrozu z-za jaje suviaziaŭ z rasijskaj raźviedkaj.
Karač atrymlivała vid na žycharstva ŭ Litvie z 2014 hoda, a ŭ minułym hodzie padała prašeńnie ab pradastaŭleńni prytułku.
U 2022 hodzie Minsk pryznaŭ arhanizacyju «Naš dom» ekstremisckaj, a ŭ 2021 hodzie biełaruski KDB unios jaje ŭ śpis terarystaŭ.