U Navapołacku praviali pieratrus pa miescy prapiski aktyvista, jaki źjechaŭ z krainy dva z pałovaj hady tamu
8 studzienia ŭ Navapołacku byŭ praviedzieny pieratrus pa miescy prapiski ŭdzielnika stački pradpryjemstva «Naftan» Alaksieja Malinoŭskaha, paviedamlaje «Viasna».
10.01.2024 / 16:35
Doma znachodziŭsia niepaŭnaletni plamieńnik žonki, jaki nie adčyniŭ dźviery. Tady supracoŭniki pryjechali na pracu da niaviestki i zabrali jaje, pryvieźli ŭ kvateru dla praviadzieńnia pieratrusu. Pa fakcie pieratrusu ničoha «zabaronienaha» znojdziena nie było. Supracoŭniki cikavilisia miescaznachodžańniem siamji Malinoŭskich.
Malinoŭskija aktyŭna prymali ŭdzieł u pratesnym ruchu, za što ŭsioj siamjoj padvierhlisia represijam, nieadnarazova atrymlivali štrafy i «sutki». U vieraśni 2021 hoda siamja była vymušana pakinuć Biełaruś.
Čytajcie taksama:
U Hrodnie zatrymali rabotnika adukacyi. Jaho źbiralisia pavysić, ale «pravieryŭ AMAP»
Siłaviki zatrymali žychara Bresta za ŭdzieł u akcyjach pratestu ŭ 2020 hodzie