Žychara Navabielicy sudziać u zakrytym režymie pa troch artykułach Kryminalnaha kodeksa
Kuchara Ihara Kazubava vinavaciać u raspalvańni sacyjalnaj varožaści albo varažniečy (č. 1 art. 130 KK), u paklopie na Alaksandra Łukašenku (č. 2 art. 367 KK) i jaho abrazie (č. 1 art. 368 KK).
11.01.2024 / 13:58
Ihar Kazubaŭ. Fota z sacyjalnych sietak
Spravu pryznačany razhladać sudździa Siarhiej Bahinski, viadomy svaimi žorstkimi prysudami tym, chto patrapiŭ pad palityčny pieraśled, piša «Viasna».
Raniej Kazubava zatrymlivali pa administracyjnym artykule: 8 červienia 2023 hoda za vyrab, raspaŭsiud ci zachavańnie ekstremisckich materyjałaŭ ( art. 19.11 KaAP) jaho sudzili ŭ Navabielickim sudzie Homiela.
U sacyjalnych sietkach Ihara davoli šmat pastoŭ i paviedamleńniaŭ pra biełaruskich siłavikoŭ i pradstaŭnikoŭ ułady. Taksama jon byŭ siarod 500 padpisantaŭ u 2019 hodzie zvarotu da tahačasnaj prezidentki Litvy Dali Hrybaŭskajcie, jaki datyčyŭ pierapachavańnia pareštkaŭ paŭstancaŭ 1863—1864 hadoŭ.
Padtrymać Ihara: SIZA-3, Homiel, vuł. Knižnaja 1A, 246003. Ihar Valerjevič Kazubaŭ.
Čytajcie taksama:
Minimum 207 čałaviek zatrymali pa viartańni ŭ Biełaruś u minułym hodzie
Haradzienca, jaki adbyvaje chatniuju chimiju, buduć sudzić pa piaci artykułach