Z brasłaŭskaha Muzieja tradycyjnaj kultury paśla chapuna zvolnili 7 čałaviek
Stracili pracu i tyja, chto adbyvaŭ aryšty, i tyja, chto spłaciŭ prysudžanyja štrafy, piša «Viciebskaja viasna». Muziej zastaŭsia biez admysłoŭcaŭ, jakija viali navukovuju i daśledčyckuju pracu, a taksama papularyzavali narodnyja ramiostvy.
11.01.2024 / 15:01
U čas načnoha «chapunu», jaki adbyŭsia ŭ Brasłavie ŭnočy z 21 na 22 śniežnia siłaviki zatrymali 7 čałaviek, u ich doma praviali pieratrusy.
Pad «chapun» trapiła ŭ tym liku i ciapier užo byłaja zahadčyca muzieja Eleanora Zinkievič, dva hady tamu ŭznaharodžanaja za svaju pracu hramataj Ministerstva kultury. A taksama jaje muž, znakamity na ŭsiu Biełaruś hančar Valer Zinkievič, jaki maje zvańnie Narodnaha majstra Respubliki Biełaruś ( na Brasłaŭščynie jaho majuć ŭsiaho dva čałavieki). Jany atrymali pa 15 sutak.
Čytajcie taksama:
U Drahičynie buduć sudzić dyrektara muzieja
Zahadčycaj muzieja ŭ Baranavičach pryznačyli śpiecyjalistku zusim ź inšaj śfiery