Zialenski pryznaŭsia ŭ niazdolnaści Ukrainy płacić piensii biez dapamohi Zachadu
Kijevu pryjdziecca zatrymać vypłaty zarobkaŭ 500 tysiač dziaržsłužačych i 1,4 miljonaŭ nastaŭnikaŭ.
12.01.2024 / 10:22
Fota: Leo Correa / AP
Urad Ukrainy nie zmoža płacić piensii 11 miljonaŭ žycharoŭ krainy, kali Zachad nie daść finansavaj dapamohi, zajaviŭ ukrainski prezident Uładzimir Zialenski.
«My šmat čaho kuplajem za svaje hrošy, ale kali niama finansavańnia… My nie možam nie dać piensijanieram piensiju. Ja nie razžalvaju, ale bieź piensii staryja ludzi prosta pamruć. U nas bolš za 11 młn piensijanieraŭ — ci jość jašče choć adna takaja kraina ŭ Jeŭropie? — skazaŭ Zialenski padčas vizitu ŭ Łatviju.
Bieź finansavaj padtrymki Zachadu ŭkrainskaja ekanomika vierniecca ŭ režym «vyžyvańnia», kazała raniej u intervju FT ministarka ekanomiki Ukrainy Julija Śvirydzienka.
Pavodle jaje raźlikaŭ, Kijevu pryjdziecca zatrymać vypłaty zarobkaŭ 500 tysiač dziaržsłužačych i 1,4 młn nastaŭnikam, a taksama piensij 10 młn piensijanieraŭ, kali zamiežnaja dapamoha tak i nie pastupić.
«Padtrymka partnioraŭ vielmi važnaja. Nam heta treba terminova», — padkreśliła Śvirydzienka.
Na fonie zatrymki zachodniaj dapamohi va ŭkrainskim uradzie razhladajuć admienu zapłanavanaj na 1 sakavika indeksacyi piensij, kazała ŭ śniežni ministr sacyjalnaj palityki Aksana Žałnovič.
Pry hetym jana zaznačyła, što na vypłatu bazavaj sumy piensij hrošaj pavinna chapić za košt padatkaŭ. Adnak na dapamohu biežancam srodkaŭ užo budzie niedastatkova.