Пад Санкт-Пецярбургам гараць склады Wildberries
Плошча пажару ў Пушкінскім раёне Пецярбурга складае да 50 тысяч квадратных метраў.
13.01.2024 / 09:33
Раней плошча ўзгарання ацэньвалася ў 1 тысячу квадратных метраў. Пажару прысвоілі павышаны, чацвёрты ранг складанасці. Звесткі аб пацярпелых не паступалі. У тушэнні ўдзельнічаюць 112 чалавек і 25 адзінак тэхнікі, піша РБК.
Склад знаходзіцца ў будынку № 153 на Маскоўскай шашы, удакладнілі МНС.
У Wildberries ужо паабяцалі, што пакрыюць прадаўцам страты за знішчаныя агнём тавары, а пакупнікам — вернуць грошы.