Pad Sankt-Pieciarburham harać składy Wildberries
13.01.2024 / 9:33
Płošča pažaru ŭ Puškinskim rajonie Pieciarburha składaje da 50 tysiač kvadratnych mietraŭ.
Raniej płošča ŭzharańnia aceńvałasia ŭ 1 tysiaču kvadratnych mietraŭ. Pažaru prysvoili pavyšany, čaćviorty ranh składanaści. Źviestki ab paciarpiełych nie pastupali. U tušeńni ŭdzielničajuć 112 čałaviek i 25 adzinak techniki, piša RBK.
Skład znachodzicca ŭ budynku № 153 na Maskoŭskaj šašy, udakładnili MNS.
U Wildberries užo paabiacali, što pakryjuć pradaŭcam straty za źniščanyja ahniom tavary, a pakupnikam — viernuć hrošy.