«Paskroliŭ dopisy ŭ fejsbuku i zaŭvažyŭ cikavyja asablivaści». Što balić Vusavu, Paźniaku i Cichanoŭskaj?
Pabačyŭ u fejsbuku Paŭła Vusava iraničny i krychu taksičnieńki podpis pad hetaj fotkaj — «Sustrelisia». Paśla paskroliŭ kamienty. Paśla paskroliŭ dopisy ŭ fejsbuku i zaŭvažyŭ cikavyja asablivaści, napisaŭ u fejsbuku pradprymalnik, aktyvist biełaruskaj dyjaspary ŭ Vilni Kirył Atamančyk.
13.01.2024 / 20:30
Pasty pačynajučy z 1 śniežnia 2023 hoda:
Pavieł Vusaŭ:
Usiaho pastoŭ — 15, ź ich:
- Krytyka Łukašenki — 1.
- Krytyka apazicyi (Cichanoŭskaja/Kabiniet/KS/fondy salidarnaści i inš) — 8.
- Ułasnyja dasiahnieńni — 1 (artykuł na anhielskaj movie).
Zianon Paźniak:
Usiaho pastoŭ — 28, ź ich:
- Krytyka Łukašenki — 1 (ale jość jašče niekalki videa, jakija ja nie prahladaŭ + Paźniak bolš krytykuje Rasieju, čym Łukašenku).
- Krytyka apazicyi («ahientura i marhines») — 7.
- Ułasnyja dasiahnieńni — 1 (dron dla biełaruskich dobraachvotnikaŭ va Ukrainie).
U Capkały i Bałkunca amal toje ž samaje, chiba što krytyki Łukašenki pabolej budzie, ale ŭłasnych dasiahnieńniaŭ nul. U cełym, jany taksama bolš zasiarodžanyja na skandałach unutry palityčnaj apazicyi.
A što ŭ telehram-kanale Cichanoŭskaj?
Usiaho pastoŭ — kala 80, ź ich:
- Krytyka Łukašenki — 14 (ale jość šmat videa, jakija ja nie prahladaŭ + prykładna ŭ kožnym trecim paście pra palitviaźniaŭ).
- Krytyka apazicyi — 0.
- Ułasnyja dasiahnieńni (bła-bła-bła sustrečy i vizity nie ŭličvaju, choć razumieju, što ich taksama nie prosta arhanizavać) — 6 (premija imia Džordža Buša i Marharet Tetčer; śpiecpasłańnik ZŠA pa Biełarusi i «Stratehičny dyjałoh Biełaruś — ZŠA»; 5 miljonaŭ jeŭra na biełaruskuju kulturu; 30 miljonaŭ na padtrymku hramadzianskaj supolnaści; kanceptualnyja (jakija-nijakija) stratehičnyja dakumienty pa Biełarusi; Aljans hrupaŭ «Za demakratyčnuju Biełaruś» u 23 krainach śvietu.
Heta pra pasty za apošnija amal paŭtara miesiacy. Vysnovy kožny zrobić sam.
Čytajcie taksama:
Kiraŭnica Jeŭraparłamienta sustrełasia ź Cichanoŭskaj i pradstaŭnikami palitviaźniaŭ
Cichanoŭskaja havaryła sa śpikieram finskaha parłamienta pa-biełarusku, i jon jaje razumieŭ