Ukrainski «zbožžavy kalidor» u Čornym mory vyjšaŭ na davajennyja pakazčyki
Ukrainski «zbožžavy kalidor» u Čornym mory vyjšaŭ na davajennyja mahutnaści, raspavioŭ śpikier VMS USU Dźmitryj Placiančuk u efiry telemarafona.
14.01.2024 / 08:32
Fota: Andrii Medvediuk / vecteezy.com
«My ŭžo pierasiekli miažu ŭ 500 sudnaŭ i bolš za 10 młn ton hruzaŭ», — skazaŭ Placiančuk.
Pavodle jaho, pieravažnaja bolšaść hruzaŭ — heta zbožža dla tak zvanaha Hłabalnaha Poŭdnia.
Raniej ministr infrastruktury Alaksandr Kubrakoŭ pisaŭ, što ŭkrainski kalidor tolki za apošnija piać miesiacaŭ daŭ ekspart amal 15 młn ton. Za hety čas u party Ukrainy zajšli 469 novych sudoŭ.
Hetuju prapusknuju zdolnaść kalidora faktyčna zabiaśpiečvali VMS, VPS i SBU, jakija mietadyčna źniščali i taranili rasiejskija karabli.
17 lipienia 2023 hoda Rasieja abviaściła ab vychadzie sa «zbožžavaha pahadnieńnia».
Užo 19 lipienia rasiejskija vojski atakavali partovuju infrastrukturu Adesy i vobłaści, patrapiŭšy ŭ zbožžavy i naftavy terminały. Paśla hetaha Rasieja pačała sistematyčna abstrelvać zbožžavuju infrastrukturu Ukrainy. 10 žniŭnia Ukraina abviaściła ab časovych marskich kalidorach dla handlovych sudnaŭ, a zatym pačała atakavać rasiejskija karabli.
Ukraina praviała šerah paśpiachovych napadaŭ marskimi dronami VMS: źniščyła 15 karabloŭ Čarnamorskaha fłotu i jašče 12 paškodziła, udaryła pa štabu Čarnamorskaha fłotu ŭ Sievastopali i ŭ rešcie rešt prymusiła Rasieju vyvodzić svoj fłot.