U Isłandyi adbyłosia vyviaržeńnie vułkana. Žycharoŭ najbližejšaha horad evakuiravali
Ranicaj 14 studzienia na paŭvostravie Rejkjanes na paŭdniovym zachadzie Isłandyi adbyłosia vyviaržeńnie vułkana.
14.01.2024 / 13:39
Vyviaržeńniu papiaredničali bolš za 200 padziemnych šturškoŭ, zafiksavanyja ŭ noč na 14 studzienia. Z-za siejśmičnaj aktyŭnaści ŭłady zahadzia evakuiravali žycharoŭ horada Hryndavik, raźmieščanaha pobač z vułkanam. U horadzie adklučyli elektryčnaść.
Pavodle apošnich źviestak, ciapier łava znachodzicca za 400-500 mietraŭ ad damoŭ na paŭnočnaj uskrainie Hryndavika.
U horadzie, raźmieščanym u 70 kiłamietrach ad stalicy Isłandyi Rejkjavika, žyvie kala 3500 čałaviek.
U Isłandyi bolš za 30 aktyŭnych vułkanaŭ. U 2010 hodzie ŭ krainie adbyłosia vyviaržeńnie vułkana Ejiafjatłajokudl. Praz popieł u pavietry ad jaho pa ŭsioj Jeŭropie byli skasavanyja tysiačy avijarejsaŭ.