Jašče adzin rasijski horad zastaŭsia biez aciapleńnia
100-tysiačny Navamaskoŭsk u Tulskaj vobłaści zamiarzaje praz avaryju na miascovaj DRES.
14.01.2024 / 16:23
Prama ciapier u Navamaskoŭsku biez abahrevu znachodziacca 372 šmatkvaternyja damy, dziesiać škoł, 16 dziciačych sadkoŭ i adna balnica. U sacyjalnych sietkach administracyi horada heta padajecca jak «źnižana tempieratura padačy ciepłanośbita».
Avaryja na elektrastancyi adbyłasia kala hadziny tamu. Sa stroju vyjšaŭ vysakavoltny ŭvod vyklučalnika transfarmatara. Śpiecyjalisty sprabujuć adnavić pracu DRES, ale pakul biespaśpiachova — nasielnictva pavolna zamiarzaje. Ciapier tempieratura ŭ horadzie apuściłasia da -13.