Biełarusam rassyłajuć niebiaśpiečnyja paviedamleńni nibyta ad «Biełpošty»
Hetyja SMS mohuć pryvieści da straty hrošiej. U Bankaŭskim pracesinhavym centry ŭdakładnili jak paźbiehnuć niebiaśpieki.
14.01.2024 / 21:42
«U hetych paviedamleńniach havorycca ab tym, što pasyłka prybyła na skład, ale nie moža być dastaŭlena adrasatu, tamu nieabchodna zapoŭnić nieabchodnuju infarmacyju pierajšoŭšy pa spasyłcy. Spasyłki ŭ rečaisnaści źjaŭlajucca fišynhavymi, a ŭvod danych pryvodzić da śpisańnia hrašovych srodkaŭ hramadzian», — paviedamili ŭ BPC.
U pracesinhavym centry rajuć źviarnuć uvahu na adpraŭnika, bo, jak praviła, paviedamleńni prychodziać nie ź biełaruskich numaroŭ telefonaŭ.
Ni ŭ jakim razie, viadoma, nielha ŭvodzić nijakija asabistyja danyja i danyja bankaŭskaj kartki pierajšoŭšy pa spasyłki ŭ takim SMS.
Kali vy ŭsio ž čakajecie pasyłku, to lepš samastojna schadzić u paštovaje adździaleńnie i daviedacca padrabiaznaści. Taksama status pasyłki možna samastojna pravieryć na aficyjnym sajcie RUP «Biełpošta».