Minčanku zatrymali z-za jaje sumiesnaj fatahrafii z małoj dačkoj. U rukach u dziaŭčynki byŭ BČB-ściažok
Videa maci ŭ kajdankach 15 studzienia apublikavaŭ nabližany da HUBAZiK telehram-kanał, zaŭvažyła «Lusterka».
15.01.2024 / 11:19
U roliku žančyna skazała, što ŭ 2020 hodzie hulała ź dziciem pa horadzie.
— Z-za hetaha mianie i zatrymali. U nas niama nijakich ni ściahoŭ, ni raściažak, ni płakataŭ. Naohuł ničoha.
— A što ŭ dziciaci padčas hulańniaŭ vašych u rukach na fatahrafii? — spytaŭ mužčyna sa źmienienym hołasam.
— Majo dzicia zafiksavanaje z čyrvona-biełym ściaham z kaniom. Abvinavačvajuć pa artykule … — prymusili skazać pad zapis žančynu.
Prapahandysty abvinavacili žančynu ŭ pierakryćci daroh i ŭdziele ŭ vuličnych maršach. Jaki jaje pracesualny status i ci znachodzicca jana dahetul za kratami — nieviadoma.