Hramadstva

U Technałahičnym univiersitecie buduć rychtavać śpiecyjalistaŭ pa kiravańni bieśpiłotnikami

Aktualny kirunak adkryjecca ŭletku.

Ilustracyjnaje fota belstu.by

Rektar Biełaruskaha dziaržaŭnaha technałahičnaha ŭniviersiteta Ihar Vojtaŭ raspavioŭ ab płanach adkryć jašče adzin aktualny kirunak padrychtoŭki śpiecyjalistaŭ u 2024 h. Heta — «prajektavańnie, budavańnie, ekspłuatacyja bieśpiłotnych sistem».

Siońnia ŭ krainie dziejničajuć 15 kampanij, jakija vyrablajuć bieśpiłotnyja latalnyja aparaty.

«Śviet krok za krokam ruchajecca da vykarystańnia bieśpiłotnych sistem na naziemnym, marskim i račnym transparcie», — skazaŭ rektar BDTU. — Bieśpiłotnyja technałohii z vykarystańniem štučnaha intelektu vykarystoŭvajucca dla praduchileńnia lasnych pažaraŭ, acenki stanu lasnoha fondu, u ziemleŭparadkavańni, dla vyvučeńnia stanu linij elektrapieradačy, trubapravodaŭ, stanu daroh».

Užo čatyry hady BDTU rychtuje profilnych śpiecyjalistaŭ u ramkach pavyšeńnia kvalifikacyi, i pierapadrychtoŭka karystajecca vialikim popytam. Adnak zaraz buduć rychtavać kadry na pieršym uzroŭni vyšejšaj adukacyi.

Jość damova z kazanskim Nacyjanalnym daśledčym techničnym univiersitetam imia Tupaleva i z Maskoŭskim avijacyjnym instytutam.

Čytajcie taksama:

Staršakłaśnikaŭ u Biełarusi buduć vučyć pierakładać pałonnych

U BDU pačnuć vučyć pa novaj śpiecyjalnaści «Mižnarodnaja kanfliktałohija»

Kamientary da artykuła