Ministr adukacyi raskazaŭ, jak źmienicca pryjom u dziciačyja sadki
Ministr adukacyi Andrej Ivaniec na sustrečy ź piedahohami ŭ Homieli raskazaŭ, što zapisać dzicia ŭ sadok u nastupnym hodzie stanie praściej.
16.01.2024 / 12:53
Ministr adukacyi Andrej Ivaniec. Fota: BiełTA
Ciapier pieravodziać u elektronnuju formu dźvie administracyjnyja pracedury — pastanoŭku na ŭlik i pryjom u dziciačyja sadki. Ivaniec miarkuje, što ŭ 2025 hodzie hetyja dźvie pracedury buduć całkam pieraviedzienyja ŭ elektronny farmat i baćkam nie treba budzie prychodzić u rajonnyja adździeły adukacyi, piša BiełTA.
Ivaniec dadaŭ, što interaktyŭnaja karta svabodnych miescaŭ u dziciačych sadkach pavysiła ŭzrovień daśviedčanaści baćkoŭ. Da ŭviadzieńnia hetaj karty, pa jaho słovach, u Ministerstva adukacyi pastupała davoli vialikaja kolkaść zvarotaŭ ad baćkoŭ nakont najaŭnaści svabodnych miescaŭ u dziciačych sadkach. Taksama baćki cikavilisia, jak mienavita pastavić dzicia na ŭlik. Ministr adukacyi kaža, što siońnia takich skarhaŭ niama.
Interaktyŭnaja karta abnaŭlajecca štomiesiac. U joj jość infarmacyja pra kolkaść svabodnych miescaŭ z ukazańniem uzrostavych hrup.