У Гомелі за «экстрэмізм» асудзілі доўгагадовага дырэктара лялечнага тэатра
Адміністрацыйны пратакол Дзмітрыя Гарэліка паводле ч.2 арт.19.11 (распаўсюд экстрэмісцкіх матэрыялаў) разглядала ў судзе Чыгуначнага раёна Гомеля суддзя Ганна Сакалова.
17.01.2024 / 10:24
Праваабаронцам пакуль не вядома, што стала падставай для абвінавачанняў і які вырак вынесла Сакалова. Але з сайта Гомельскага лялечнага тэатру прозвішча Гарэліка пакуль не знікла — ён усё яшчэ пазначаны як дырэктар.
Варта адзначыць, што мужчына кіруе тэатрам з 1 чэрвеня 1992 года.
У 2023 годзе тэатр адзначыў сваё 60-годдзе.