Прысуд удзельнікам Tor Band пакінулі без зменаў
Удзельнікі гурта Tor Band абскардзілі свой вырак, аднак суд пакінуў яго без зменаў. Такім чынам, прысуд уступіў у законную сілу, паведаміла Гомельскае ТБ, зазначыўшы што музыкаў асудзілі «за песні».
18.01.2024 / 14:19
Удзельнікаў гурту Tor Band затрымалі 28 кастрычніка 2022 года. Летась 14 кастрычніка ў Гомелі ў закрытым рэжыме над музыкамі пачаўся суд, нагадвае «Радыё Свабода».
31 кастрычніка 2023 года абвінавачаным агучылі вырак. Дзмітрый Галавач атрымаў 9 гадоў узмоцненага рэжыму і 100 базавых велічыняў штрафу. Яўген Бурло — 8 гадоў узмоцненага рэжыму і 100 базавых велічыняў штрафу. Андрэю Ярэмчыку прысудзілі 7,5 года ўзмоцненага рэжыму і 100 базавых велічыняў штрафу.
Прысуд ім вынес суддзя Гомельскага абласнога суда Сяргей Салоўскі. Абвінаваўцамі былі прадстаўнікі пракуратуры Ларыса Кучынская і Іван Мончанка.
Чытайце таксама:
Людзі года па версіі «Нашай Нівы» — гурт Tor Band
Беларусы менш чым за дзень сабралі больш за €9000 для асуджаных музыкаў Tor Band
Што трэба ведаць пра гурт Tor Band — музыкаў, якіх пакаралі жахлівымі тэрмінамі за іх хіты