«Słova pacana» na salihorskim TB. Viadučaja praviała efir u vobrazie, jaki aceniać fanaty našumiełaha sieryjała
Kali na pracu nielha nadziavać treniki, ale vielmi chočacca być u trendzie.
18.01.2024 / 18:27
Fota: skryn z efiru Salihorskaha telekanała
Kažuć, što biełaruskija rehijanalnyja telekanały adstali ad trendaŭ, ale viadučaja i hałoŭnaja redaktarka Salihorskaha TB Zoja Michnaviec hatova paspračacca z hetym vykazvańniem. Niadaŭna žančyna praviała efir u pinžaku z łampasami, jakija nahadvajuć pałoski na znakamitych trenikach ad Adidas.
Tym samym trapiła adrazu ŭ dźvie modnyja tendencyi: stylistyku papularnaha sieryjała «Słova pacana» i «błokkor» — trend, miehapapularny siarod zachodnich zorak.
I, choć vykanańnie aŭtfitu vidavočna pakidaje žadać lepšaha, možna addać naležnaje śmiełaści viadučaj, jakaja abrała taki pinžak u kadr.
Čytajcie taksama: