КДБ палохае чыноўнікаў і прапагандыстаў забойствамі
Намеснік начальніка следчага ўпраўлення Камітэта дзяржбяспекі Канстанцін Бычак заявіў на БТ, што спецслужбы Украіны планавалі забойствы беларускіх дзяржаўных дзеячаў і праўладных журналістаў.
19.01.2024 / 12:25
Пісталет, які нібыта быў пры сабе ў Вячаслава Бародзія (яго абвінавачваюць у агентурнай дзейнасці) у час затрымання. Фота: КДБ, БелТА
У сюжэце расказвалі пра ранейшых затрыманых (пяць беларускіх грамадзян і ўкраінец Вячаслаў Бародзій), якіх вінавацяць у працы на СБУ.
Бычак пракаментаваў, што так сілавікі спынілі дзейнасць сеткі ўкраінскіх агентаў, якія займаліся перакідкай у Беларусь выбухоўкі і зброі.
«Падчас расследавання ўстаноўленыя і канфіскаваныя схованкі з выбуховымі рэчывамі. Атрыманыя даныя пра іх магчымае выкарыстанне пры падрыхтоўцы і здзяйсненні выбухаў на прадпрыемствах нафтаперапрацоўчай прамысловасці, падрыхтоўцы здзяйснення забойстваў дзяржаўных дзеячаў і журналістаў», — сцвярджае Канстанцін Бычак.
Па дадзеных фактах следчае ўпраўленнем КДБ распачала крымінальную справу. Фігурантам інкрымінуюць здраду дзяржаве, агентурную дзейнасць і акт тэрарызму. Па апошнім артыкуле можа пагражаць смяротнае пакаранне.
Чытайце таксама: