KDB pałochaje čynoŭnikaŭ i prapahandystaŭ zabojstvami
Namieśnik načalnika śledčaha ŭpraŭleńnia Kamiteta dziaržbiaśpieki Kanstancin Byčak zajaviŭ na BT, što śpiecsłužby Ukrainy płanavali zabojstvy biełaruskich dziaržaŭnych dziejačaŭ i praŭładnych žurnalistaŭ.
19.01.2024 / 12:25
Pistalet, jaki nibyta byŭ pry sabie ŭ Viačasłava Barodzija (jaho abvinavačvajuć u ahienturnaj dziejnaści) u čas zatrymańnia. Fota: KDB, BiełTA
U siužecie raskazvali pra raniejšych zatrymanych (piać biełaruskich hramadzian i ŭkrainiec Viačasłaŭ Barodzij), jakich vinavaciać u pracy na SBU.
Byčak prakamientavaŭ, što tak siłaviki spynili dziejnaść sietki ŭkrainskich ahientaŭ, jakija zajmalisia pierakidkaj u Biełaruś vybuchoŭki i zbroi.
«Padčas rasśledavańnia ŭstanoŭlenyja i kanfiskavanyja schovanki z vybuchovymi rečyvami. Atrymanyja danyja pra ich mahčymaje vykarystańnie pry padrychtoŭcy i ździajśnieńni vybuchaŭ na pradpryjemstvach naftapierapracoŭčaj pramysłovaści, padrychtoŭcy ździajśnieńnia zabojstvaŭ dziaržaŭnych dziejačaŭ i žurnalistaŭ», — śćviardžaje Kanstancin Byčak.
Pa dadzienych faktach śledčaje ŭpraŭleńniem KDB raspačała kryminalnuju spravu. Fihurantam inkryminujuć zdradu dziaržavie, ahienturnuju dziejnaść i akt teraryzmu. Pa apošnim artykule moža pahražać śmiarotnaje pakarańnie.
Čytajcie taksama: