Ajcišnik z Hrodna za danat 1,78 jeŭra «achviaravaŭ» dziciačamu fondu 1000 dalaraŭ
Siłaviki śćviardžajuć, što hrodzienskija ajcišniki pryjšli z pakajańniem paśla adpraŭki danataŭ.
19.01.2024 / 13:00
Ilustracyjnaje fota
Telehram-kanał siłavikoŭ apublikavaŭ videa z tryma ajcišnikami z Hrodna, jakija nibyta pryjšli z pakajańniem paśla danataŭ Nexta i «Bajsołu», piša telehram-kanał «Pravo imiejut».
Śćviardžajecca. što ajcišnik pieravioŭ Nexta 1,8 jeŭra praz PayPal. Dla «kampiensacyi škody» jon pieravioŭ u dziciačy fond 1000 dalaraŭ.
Jašče adzin ajcišnik taksama adpraviŭ danat Nexta praz PayPal 17 studzienia 2021 hoda. Na dabračynnaść jon addaŭ 5000 dalaraŭ.
Inžynier-prahramist adpraviŭ dva danaty na 35 jeŭra BYSOL. Jon skazaŭ, što sam pryjšoŭ u milicyju i adpraviŭ 5000 dalaraŭ u fond dapamohi chvorym dzieciam za «svaju pravinnaść».