Biełaruski chakieist zarobić u «Vašynhtonie» amal $17 miljonaŭ
Alaksiej Protas padpisaŭ novy kantrakt na piać hadoŭ.
20.01.2024 / 13:25
Fota: nhl.com
«Vašynhton Kepitałz» zajaviŭ ab praciahu kantrakta ź biełaruskim forvardam Alaksiejem Protasam. Pahadnieńnie raźličana na piać hadoŭ z sumaj 16,875 miljonaŭ dalaraŭ, piša «Biełaruski chakiej».
23-hadovy Protas nabraŭ 18 (3+15) bałaŭ u 42 matčach za «Vašynhton» u hetym siezonie. Forvard zajmaje druhoje miesca ŭ składzie «Kepitałz» pa kolkaści nabranych ačkoŭ za hulniu ŭ roŭnych składach (17), treciaje — pa kolkaści pieradač i pieršych asistaŭ (8) i šostaje — pa kolkaści ačkoŭ.
Protas, jaki ŭ hetym siezonie ŭžo pastaviŭ asabistyja rekordy ŭ NCHŁ pa kolkaści pieradač i ačkoŭ, pravodzić na lodzie ŭ siarednim 13:02. Siamnaccać z 18 ačkoŭ Protas nabraŭ pry hulni ŭ farmacie «piać na piać», što źjaŭlajecca najlepšym vynikam siarod hulcoŭ «Kepitałz».
Siarod hulcoŭ NCHŁ, jakija adyhrali nie mienš za 40 matčaŭ u hetym siezonie, Protas zajmaje vośmaje miesca pa kolkaści pieradač za 60 chvilin hulni ŭ farmacie «piać na piać» (2,13).
Čytajcie taksama:
NCHŁ nazvała heta hołam siezona. Biełarus zakinuŭ nievierahodnuju šajbu ŭ WHL
Rassłabilisia raniej času. U NCHŁ zakinuli kurjoznuju šajbu
Žurnalistka raskryła sakret prahresu biełaruskaha chakieista ŭ NCHŁ