U Daniecku ŭ vyniku abstrełu rynku zahinuli 18 čałaviek
Ranicaj u niadzielu ŭłady samaabvieščanaj «Danieckaj Narodnaj Respubliki» paviedamili ab abstrele rynku «Mierkuryj» u Kiraŭskim rajonie Daniecka.
21.01.2024 / 13:49
U Daniecku ŭžo 18 zahinułych i 13 paranienych paśla rakietnaha ŭdaru, paviedamiŭ mer aneksavanaha horada Alaksiej Kulemzin.
Vidavočcy raspaviadajuć, što było nie mienš za try załpy. Na videa, apublikavanym z-błohierami, vidać, što ad vybuchaŭ vylecieli šyby ŭ budynku z kramaj kanctavaraŭ i apteki, jakija znachodziacca pobač z rynkam.
Taksama na videa pakazana niekalki raźbitych aŭtamabilaŭ, pobač ź jakimi na ziamli lažać trupy.