«Напад на любую саюзную нам дзяржаву будзе лічыцца нападам на Беларусь» — Генштаб
Беларусь у адпаведнасці з новай Ваеннай дактрынай будзе разглядаць напад на сваіх саюзнікаў як напад на сваю тэрыторыю. Пра гэта заявіў начальнік інфармацыйна-аналітычнага ўпраўлення Генштаба Узброеных Сіл Арцём Буторын.
21.01.2024 / 20:55
«Напад на любую саюзную нам дзяржаву будзе лічыцца нападам на Рэспубліку Беларусь», — адзначыў Буторын у эфіры СТБ.
Якія дзяржавы лічыць саюзнымі, ён не ўдакладніў.
Асобны раздзел у новай Ваеннай дактрыне збярэ разам усе палажэнні, якія на сённяшні момант замацаваны ў міжнародных дагаворах, якія Беларусь ратыфікавала з саюзнікамі, у тым ліку ў рамках міжнародных арганізацый.
Ваенную дактрыну пакажуць сёлета на Усебеларускім народным сходзе, каб дэлегаты зацвердзілі яе.