Ukrainskija vajskoŭcy abvierhli abstreł Daniecka, u chodzie jakoha zahinuli 27 čałaviek
USU zajavili, što nie majuć dačynieńnia da abstrełu rynku ŭ mikrarajonie «Tekstylščyki» samaabvieščanaj «DNR».
22.01.2024 / 10:50
«Adkazna zajaŭlajem, što siły, jakija znachodziacca ŭ padparadkavańni hrupoŭki «Taŭryja», u hetym vypadku bajavoj pracy srodkami źniščeńnia nie viali».
Apieratyŭna-stratehičnaja hrupoŭka vojskaŭ «Taŭryja» adkazvaje za vajennyja dziejańni na ŭschodnim froncie», — havorycca ŭ zajavie.
Kolkaść zahinułych u vyniku abstrełu rynku vyrasła da 27 čałaviek, zajaviŭ raniej kiraŭnik samaabvieščanaj respubliki Dzianis Pušylin. Pavodle jaho słoŭ, u balnicy pastupiła 25 paciarpiełych, 18 byli špitalizavany.
Imavierna heta byŭ samy krovapralitny ŭdar pa Daniecku pačynajučy z 2014 hoda. 22 studzienia abjaŭleny ŭ «DNR» dniom žałoby, paviedamlaje telekanał «Dožd́».