Śviatar sa Smarhoni zaklikaje miascovych iści na vybary. Ale sieŭ z prapahandaj u łužynu
Na staronkach smarhonskaj rajonnaj haziety «Śvietły šlach» z zaklikami «pryjści na vybary i prahałasavać» vystupiŭ 22 studzienia nastajaciel chrama Praabražeńnia Haspodniaha Anatol Razanovič.
22.01.2024 / 12:28
Anatol Razanovič. Fota: «Śvietły Šlach»
«Adziny dzień hałasavańnia — heta dzień vybaru. Vybaru tych ludziej, jakija pracujuć nad zakanadaŭstvam našaj krainy, jakija vyrašajuć i našy nadzionnyja pytańni», — tłumačyć śviatar.
I davodzić, čamu dla smarhoncaŭ nie stanie prablemaj zrabić hety vybar.
«My žyviom u nievialikim horadzie. I tyja ludzi, jakija vyłučajuć svaje kandydatury ŭ deputaty, užo znajomyja bolšaści smarhoncaŭ.
Deputaty, jakija buduć pradstaŭlać naš rehijon u parłamiencie — heta hodnyja ludzi, hatovyja kłapacicca pra nas», — pierakonvaje ziemlakoŭ nastajaciel.
Prablema tolki ŭ tym, što siarod troch pretendentaŭ u deputaty Pałaty pradstaŭnikoŭ Nacyjanalnaha schodu, jakija bałatujucca pa Smarhonskaj vybarčaj akruzie №59, niama nivodnaha smarhonca, zaŭvažajuć pravaabaroncy.
«Adkul vybarcam sa Smarhoni viedać pra staršyniu Astravieckaha rajvykankama Ihara Šałudzina, dyrektara TAA «Handlovy dom «Hrodstab» Alaksandra Ihnacienku z Hrodna albo dyrektara Kiemielišskaj siaredniaj škoły iznoŭ ža z Astravieckaha rajona Alaksandra Ivanceviča?» — zadajucca pravaabaroncy pytańniem.
Čytajcie taksama:
Vieranika Capkała kiruje arhanizacyjaj, jakuju zasnavaŭ adept «ruskaha śvietu»