U Sankt-Pieciarburhu znoŭ zhareŭ aŭtobus MAZ
Biełaruski aŭtobus zhareŭ ranicaj 22 studzienia na praśpiekcie Kasmanaŭtaŭ. 15 čałaviek paśpieli vyjści, piša «Fantanka».
22.01.2024 / 13:04
Fota: čytač «Fantanki»
U kampanii «Domtransaŭta», jakoj naležyć aŭtobus, «Fantancy» patłumačyli, što ŭzharańnie pačałosia ŭ piaredniaj častcy aŭtobusa, pryčyna zdareńnia vyśviatlajecca.
Paviedamleńni ab uzharańniach aŭtobusaŭ MAZ pastupajuć z Rasii rehularna. Asabliva šmat takich vypadkaŭ u Sankt-Pieciarburhu. U 2023 hodzie ŭ horadzie navat časova prypyniali ekspłuatacyju aŭtobusaŭ MAZ.
Fota: čytač «Fantanki»
Tłumačyć zdareńni prychodziłasia i Łukašenku. Jon kazaŭ, što vinavataja ŭ pažarach aŭtobusaŭ «žudasnaja kankurencyja», a taksama nieprafiesijanalizm pracaŭnikoŭ rasijskich aŭtaparkaŭ: «Niejkaja pryvatnaja kampanija, ludzi, jakija nikoli nie bačyli aŭtobusaŭ, uziali na siabie absłuhoŭvańnie», — havaryŭ jon.