U Varšavie biełarus trapiŭ u DTZ z tryma aŭtamabilami
DTZ zdaryłasia 12 studzienia kala 11.00 na vulicy Staržynskaha.
22.01.2024 / 14:58
Fota: palicyja Varšavy
U varšaŭskim rajonie Praha-Poŭnač adbyłosia sutyknieńnie troch aŭtamabilaŭ, adnym ź jakich kiravaŭ biełarus, paviedamlaje sajt «Biełaruś i śviet» sa spasyłkaj na tamtejšuju palicyju.
U avaryju trapili lehkavyja mašyny KIA, Toyota i furhon Mercedes. Pavodle papiarednich źviestak, 75-hadovaja pasažyrka KIA atrymała traŭmu chrybietnika. Joj akazali pieršuju dapamohu, zafiksavali šyju i adpravili ŭ balnicu.
Što tyčycca 78-hadovaha kiroŭcy Toyota i 30-hadovaha kiroŭcy Mercedes — našaha suajčyńnika, jany nie paciarpieli.
Z-za zdareńnia ruch pa vulicy niekatory čas byŭ mahčymym tolki pa adnoj pałasie, u tym liku stajali tramvai.