«На кожнае іншадумства адзін адказ — крымінальная справа і турма». Сяргей Дубавец адказаў на абвінавачванні Генпракуратуры
Адзіная рэакцыя, якой яны заслугоўваюць — дыскусія. Але дыскусіі хунта-банда весці не ўмее.
23.01.2024 / 12:17
Сяргей Дубавец. Фота: Радыё Свабода
Журналіст Радыё Свабода адрэагаваў на інфармацыю пра завядзенне супраць яго крымінальнай справы па 6 артыкулах.
У 1995 годзе пасля пагрому парламента Васіль Быкаў назваў рэжым Лукашэнкі хунтай, а мой сябра, дэпутат Вярхоўнага Савету і рэдактар газэты «Свабода» Ігар Гермянчук — бандай. Нічога не змянілася за гэтыя 30 гадоў. Важна мець на ўвазе свае ўласныя думкі і дзеяньні. Усе мае развагі ў публічнай прасторы строга падпарадкаваныя аб’ектыўным фактам, Канстытуцыі Беларусі і кодэксу журналіста Радыё Свабода.
Адзіная рэакцыя, якой яны заслугоўваюць — дыскусія. Але дыскусіі хунта-банда весці не ўмее.
На кожнае іншадумства адзін адказ — крымінальная справа і турма. Успрымаю гэта з пэўнай удзячнасьцю, як яшчэ адно прызнанне рацыі адэкватных беларусаў, якіх мама вучыла правільным рэчам. Цяпер я цалкам пазбаўлены згрызотаў сумлення адносна таго, што мусіў выехаць зь Беларусі.
Што да цяжкасьці майго «злачынства», дык яно прыблізна такое, як магніцік на лядоўні, прызнаны пікетам і забароненым масавым мерапрыемствам. У фармулёўках пракуратуры асабліва зацікавіла фраза пра «отрицал факт геноцида белорусского народа в… послевоенный период». Гэтага я не адмаўляў дакладна, але задумацца ёсць пра што», — зазначае Сяргей Дубавец.
Чытайце таксама:
Супраць супрацоўніка Радыё Свабода Сяргея Дубаўца завялі шэсць крымінальных спраў