U aeraporcie Minska zatrymany 28-hadovy ŭchilist ad vojska
Chłopiec jašče ŭ 2016 hodzie vyjechaŭ za miežy Biełarusi, šeść hadoŭ pražyŭ u ZŠA i znachodziŭsia ŭ vyšuku za ŭchileńnie ad słužby ŭ armii, piša «Sputnik».
23.01.2024 / 15:17
19 krasavika 2016 hoda, paviedamili ŭ prakuratury, chłopiec nie zjaviŭsia ŭ vajenkamat dla prachodžańnia miedycynskaha ahladu. Paźniej małady čałaviek vyjechaŭ za miežy krainy i žyŭ u ZŠA, dzie ažaniŭsia z hramadziankaj Biełarusi. Tam u ich naradziłasia dačka.
U kancy 2023 hoda jon byŭ zatrymany supracoŭnikami pravaachoŭnych orhanaŭ u Nacyjanalnym aeraporcie «Minsk».
U dačynieńni da jaho była raspačataja kryminalnaja sprava pa č. 1 art. 435 (uchileńnie ad mierapryjemstvaŭ pryzyvu na vajskovuju słužbu) Kryminalnaha kodeksa Biełarusi.
Sankcyja artykuła praduhledžvaje pakarańnie ŭ vyhladzie hramadskich prac, štrafu, aryštu, abmiežavańni voli na termin da dvuch hadoŭ ci pazbaŭleńnie voli na toj ža termin.
Minčanin uziaty pad vartu.