Хворага на анкалогію Рыгора Кастусёва перавялі ў турму ў Гродне
66-гадовага палітыка нядаўна перавялі на турэмны рэжым.
23.01.2024 / 15:47
«Хутчэй за ўсё Рыгор Кастусёў ужо ў гарадзенскай турме N1. З Івацэвічаў вярнуўся ліст», напісаў у сваім фэйсбуку ягоны зяць Дзмітрый Антончык.
Рыгора Кастусёва затрымалі 12 красавіка 2021 года ў Шклове па справе паводле арт. 357 КК «Змова ці іншыя дзеянні, здзейсненыя з мэтай захопу дзяржаўнай улады». Пазней яго асудзілі да 10 гадоў калоніі. У лістападзе стала вядома, што палітзняволенага змясцілі на 6 месяцаў у памяшканне крытага тыпу.
У зняволенні ў Рыгора Кастусёва абвастрыліся праблемы са здароўем — у яго выявілі анкалагічнае захворванне.