Chvoraha na ankałohiju Ryhora Kastusiova pieraviali ŭ turmu ŭ Hrodnie
66-hadovaha palityka niadaŭna pieraviali na turemny režym.
23.01.2024 / 15:47
«Chutčej za ŭsio Ryhor Kastusioŭ užo ŭ hrodzienskaj turmie № 1. Ź Ivacevičaŭ viarnuŭsia list», — napisaŭ u svaim fejsbuku jahony ziać Dźmitryj Antončyk.
Ryhora Kastusiova zatrymali 12 krasavika 2021 hoda ŭ Škłovie pa spravie pavodle art. 357 KK «Zmova ci inšyja dziejańni, ździejśnienyja z metaj zachopu dziaržaŭnaj ułady». Paźniej jaho asudzili da 10 hadoŭ kałonii. U listapadzie stała viadoma, što palitźniavolenaha źmiaścili na 6 miesiacaŭ u pamiaškańnie krytaha typu.
U źniavoleńni ŭ Ryhora Kastusiova abvastrylisia prablemy sa zdaroŭjem — u jaho vyjavili ankałahičnaje zachvorvańnie.