Prezident Litvy: Rasija choča kinuć vyklik usiamu NATO
«I my pavinny być hatovyja da hetaha momantu», — kaža Hitanas Naŭsieda.
24.01.2024 / 09:21
Fota: «Naša Niva»
Kiraŭnik Litvy Hitanas Naŭsieda skazaŭ, što jašče dva hady ŭvaha Rasii pavinna być zasiarodžanaja na vajnie va Ukrainie. Adnak, jak zajaviŭ prezident telekanału LRT, kramloŭski režym choča kinuć vyklik usiamu NATO, piša Delfi.lt.
«Ja nie moh by skazać heta tolki pra krainy Bałtyi. Ja b skazaŭ, što Rasija choča kinuć vyklik usiamu NATO. I my pavinny być hatovyja da hetaha momantu», — skazaŭ u aŭtorak telekanału LRT Naŭsieda. «Jak tolki Rasija, kali joj udasca hetaha damahčysia, pierałomić chod vajny va Ukrainie, jany, pa-za ŭsiakim sumnievam, pačnuć realizoŭvać svaje siarednieterminovyja i doŭhaterminovyja płany, jakija vielmi ambicyjnyja, a mienavita, ( … ) padkreślivaju, realna ździajśnialnyja», — dadaŭ jon.
Prezident Litvy, aceńvajučy mierkavańnie ministra zamiežnych spraŭ Habryelusa Łandśbierhisa pra pahrozy Litvie, padkreśliŭ, što heta chutčej hipatetyčnyja scenary.
Adnak, pavodle jaho słoŭ, vialikaj roźnicy pamiž hetaj infarmacyjaj i realnaj infarmacyjaj, jakaja pradastaŭlajecca adkaznymi słužbami Krainy, niama.
«Słužby kanstatujuć, što mahčymaści Rasii zaraz vyviedzienyja va Ukrainu, bo im patrebnyja ŭsie hetyja mahčymaści, kab jany mahli paśpiachova, jak jany miarkujuć, vajavać z Ukrainaj, i ŭ vyniku my navat nazirajem vysnovu niekatorych bajavych sił z prylehłych da nas rehijonaŭ», — zajaviŭ Naŭsieda, padkreśliŭšy, što takaja infarmacyja, jakaja pradstaŭlajecca słužbami, nie pavinna ŭvodzić hramadskaść u zman.
Čytajcie taksama:
«My adčuvajem nabližeńnie vajny» — ministr zamiežnych spraŭ Litvy
NATO pačynaje samyja bujnyja vučeńni z časoŭ chałodnaj vajny
U Minabarony Litvy prakamientavali infarmacyju Bild ab budučaj vajnie Rasii i NATA