Śviet

Litva zabaraniła niekatorym svaim hramadzianam jeździć u Biełaruś

U Litvie aficyjna ŭviali zabaronu na niepracoŭnyja pajezdki ŭ Biełaruś, Rasiju i Kitaj dla vajskoŭcaŭ, dziaržsłužačych i asob, jakija majuć dostup da sakretnaj infarmacyi. Adpaviednuju pastanovu zaćvierdzili na pasiadžeńni ŭrada.

Fota: Wikimedia Commons

Padstavaj dla zabarony stali patencyjnyja pahrozy biaśpiecy, u tym liku infarmacyja pra toje, što śpiecsłužby zhadanych troch krain zajmajucca zboram źviestak pra Litvu.

U pastanovie vyznačany, adnak, pieralik vypadkaŭ, kali moža być vydadzieny dazvoł na niepracoŭnuju pajezdku: kali havorka idzie pra śmierć blizkich svajakoŭ, realizacyju pravoŭ i abaviazkaŭ baćkoŭ i apiekunoŭ, vyrašeńnie majomasnych pytańniaŭ.

U kancy 2023 hoda Siejm Litvy pryniaŭ zakon ab zabaronie vyjezdu dla vajskoŭcaŭ u niedružalubnyja krainy i daručyŭ uradu vyznačyć śpis takich dziaržaŭ.

Čytajcie taksama:

Prezident Litvy: Rasija choča kinuć vyklik usiamu NATO

Cichanoŭskaja abmierkavała ź ministram zamiežnych spraŭ Litvy prablemy biełarusaŭ u hetaj krainie

Litva abvinavaciła biełaruskich pamiežnikaŭ u niezakonnym parušeńni miažy na dva z pałovaj mietry

Kamientary da artykuła